Жамбыл облысында 3400 гектар алқапқа сексеуіл тұқымдары себілді

Өңірдегі ормандарды қорғау, олардың қорын молайту және жаңадан орман өсіру шараларымен 14 орман шаруашылығы мекемелері мен «Ормандарды қорғау жедел қызметі» айналысады.  

Бүгінде орман қорының жалпы аумағы 4,4 млн. гектарды құрайды. Оның орманды жерлері 2,2 млн. гектар. Жалпы орман қоры жерлері облыс аумағының 31,0 пайызын алып жатыр.

Өткен жылы осы салаға жергілікті бюджеттен бөлінген 703,0 млн.теңге толық игерілді. Оның ішінде мекемелерді ұстауға 561,0 млн. теңге, оларға техникалар мен жабдықтар алуға 45,0 млн.теңге, өртке қарсы шаралар жүргізуге 32,0 млн.теңге жұмсалды. Орман тұқымбақтарын қалпына келтіруге және орман ағаштарының көшеттерін өсіруге 14,5 млн. теңге бөлінді.

«2015 жылдың ерте көктемінде орман қоры аумағына сексеуіл және тағы басқа орман көшеттері арқылы 1600 гектарға жаңадан орман ағаштары отырғызылды. Күзде 3400 гектарға сексеуіл алқаптарын тұқымдары арқылы себу жұмыстары жүргізілді. Күзгі санақтың нәтижесі бойынша 4560 гектар жер орман көмкерген алқапқа ауыстырылды. 2016 жылы ормандарды қалпына келтіру және жаңадан орман өсіру шараларын іске асыруға – 43,3 млн теңге бөлінді. Бөлінген қаржының есебінен ерте көктемде орман қоры аумағына сексеуіл және тағы басқа орман көшеттері арқылы – 900 гектар жерге жаңадан орман ағаштары отырғызу, күзде 4100 га көлемде сексеуіл алқаптарын тұқымдары арқылы себу жұмыстарын жүргізу жоспарланып отыр»,-деді Ж,Ханалиев.