Азық-түлік корпорациясы ФАБ ауылшаруашылық тауар өндірушілерінен өтінімдер қабылдауды бастады

15 Наурыз, 2016 20:26

«Азық-түлік келісім шарт корпорациясы» ҰК» АҚ (Азық-түлік келісім шарт корпорациясы) 2016 жылғы 14 наурызда әлеуметтік-кәсіпкерлік корпорациялар кепілідіктері бойынша көктемгі-жазғы қаржыландыру арқылы ауылшаруашылық тауар өндірушілерінен (АШТӨ) форвардтық астық сатып алу бағдарламасының басталғаны туралы хабарлайды.

Ұлттық компания хабарлағандай, ағымдағы жылы осы мақсаттарға республикалық бюджеттен 14 млрд. теңге бөлінді.

Алдыңғы жылдардағыдай, бағдарламаға қатысатын АШТӨ тізімін облыс әкімдіктері жанындағы Үйлестіру кеңесі бекітеді. Сондықтанда, бағдарламаның басты шарттарының бірі: АӨК субъектілерінің Азық-түлік келісім шарт корпорациясымен жасасқан 2012 жылғы қаржыландыру және 2013-2015 жылдарға форвардтық астық сатып алу шарттары бойынша өз міндеттемелерін толық орындауы, сондай-ақ, «ҚазАгро» Холдинг» АҚ еншілес компаниялары және басқа да қаржы ұйымдары алдында мерзімі өткен міндеттемелерінің болмауы болып табылады.

Жоғарыда аталған қаржы 1 га егіс алқабына 6 000 теңге есебімен аграрийлердің көктемгі-жазғы жұмыстары мен астық жинау кампанияны жүргізуге бағытталады. Астық өндірушілер астық жеткізіп беру арқылы жасасқан шарттар бойынша өз міндеттемелерін 2016 жылғы 1 қарашаны қоса алғандағы мерзім ішінде орындауға тиіс.

Барлық жаңалықтар