• Басты
  • К.Имесиокел: EXPO-2017 көрмесі барлық қатысушылар үшін өте қызық болады
15 Наурыз, 2016 16:52

К.Имесиокел: EXPO-2017 көрмесі барлық қатысушылар үшін өте қызық болады

EXPO-2017 көрмесі барлық қатысушылар үшін өте қызық болатынына сеніміміз мол. Бұл туралы Strategy2050.kz ақпарат агенттігіне берген сұхбатында Палау республикасы қоғамдық қатынас және мәдениет министрлігінің тарихи мұраларды сақтау комитетінің өкілі Кельвин Тауренгел Имесиокел айтты.
К.Имесиокел: EXPO-2017 көрмесі барлық қатысушылар үшін өте қызық болады

«Біз бұл жерден өте алыста тұрамыз. Соған қарамастан EXPO-2017 көрмесіне қатысу үшін қызу дайындық жасап жатырмыз. Біз осындай ауқымды шараға міндетті түрде қатысамыз. Біз EXPO-2017 көрмесінің барлық қатысушылар үшін өте қызықты болатынына сенімдіміз»,-деп мәлімдеді ол.

Қонақтың айтуынша, EXPO-2017 көрмесіне қатысатын компаниялардың саны әзәірге белгісіз. 

«Қайтадан осы жерге барлық министрлермен бірге оралған кезде көрмеге нақты қанша компания қатысатыны туралы нақтылайтын боламыз»,-деді ол.

Еске сала кетейік, Астанада өтетін халықаралық мамандандырылған ЭКСПО-2017 көрмесі Қазақстанның ең маңызды жобаларының бірі. Осындай ауқымды шараны ұйымдастыру Мемлекет басшысының бастамасы.  Астанадағы бүкіләлемдік көрме ұш ай көлемінде өтеді. Оған әлемнің 100 елінен және 10 халықаралық ұйымның өкілдері қатысады. Көрмеге 2 миллион адам қатысады деп күтілуде. EXPO-2017 көрмесінің тақырыбы «Болашақтың энергиясы».

Индира Кауметова

Барлық жаңалықтар