2016-шы жылдың қаңтарында Алматы мен Қытай арасындағы тауар айналым 100 млн. долларды құрады - әкімдік

15 Наурыз, 2016 12:14

Алматы қаласының әкімдігінде Хубэй провинциясының вице-губернаторы Гань Жункун бастаған Қытай делегациясымен кездесу өтті. Кездесу барысында тараптар өнеркәсіп, сауда, инновация, мәдениет және білім салаларында екіжақты ынтымақтастық үлкен әлеуетке ие екенін атап өтті, делінген қала әкімдігінің хабарламасында.

Әкімдік басшылығы Қазақстан мен Қытай арасындағы қарым-қатынас тұрақты екенін атап өтті. Бүгінгі таңда тек қана Алматының өзінде 69 бірлескен және 170 мыңнан астам қытай капиталымен жұмыс істеп тұрған кәсіпорындар бар.

«Осы компаниялардың қызметінің нәтижесінде 2016-шы жылдың қаңтар айында Алматы мен Қытай арасындағы тауар айналым 100 млн. долларға жетті», -делінген хабарламада.

Екі ел арасындағы тығыз ынтымақтастықтың дәлелі ретінде Гань Жункун туар пойызын мысалға келтірді. Бұл пойыз Ухань және Синьцзян қалаларының арасын жалғайды, сонымен қатар, Еуропа елдеріне барады. Ең бастысы Қазақстан аумағы арқылы өтеді.

Бұдан бөлек, экономиканың басқа қырларын талқылаған делегация жаңа технология саласында ынтымақтастықта болу мәселесіне кеңінен тоқталды. Мысалы, Қытайда жоғары технологияны дамыту үшін үкіметі жоғары технология паркін құру туралы шешім қабылдаған. 1991 жылдан бастап бұл істі қолға алған Қытайда қазір 130 парк жұмыс істеп тұр. Осындай мол тәжірибесі бар қытай тарапы Алматы әкімдігінің басшыларына инновациялық жобаларды жүзеге асыру тұрғысынан ынтымақтастықты күшейту туралы ұсыныс жасады.

Барлық жаңалықтар