Жобалық және құрылыс ұйымдарының қызметкерлерін аттестаттау бәсекелестік ортаға берілді

14 Наурыз, 2016 19:53

ҚР Ұлттық экономика министрінің 2016 жылғы 12 ақпанда № 75 бұйрығымен жобалау және құрылыс процессіне қатысушы инженерлік-техникалық аттестаттау бойынша мемлекеттік емес аттестаттау орталықтарын аккредиттелуі бекітілген, деп хабарлады ведомство.

Жобалау және құрылыс процесіне қатысушы инженер-техник жұмыскерлерді аттестаттау бойынша ережелер мен рұқсат талаптары ҚР Ұлттық экономика министрінің 2015 жылғы 26 қарашадағы № 734 бұйрығымен реттеледі.

Аттестаттау аттестациялық орталықтарымен жүргізіледі – аккредитация процесін белгіленген тәртіппен өткен заңды тұлғалар.

Өз кезегінде орталықтарды аккредиттауды Қазақстан Республикасы Ұлттық экономика министрлігі Құрылыс, тұрғын үй-коммуналдық шаруашылық істері және жер ресурстарын басқару комитеті жүргізеді.

Қазақстан Республикасы Ұлттық экономика министрлігі Құрылыс, тұрғын үй-коммуналдық шаруашылық істері және жер ресурстарын басқару комитетінің Лицензиялау мен аттестациялауды мониторингілеу және бақылау басқармасы басшысының м.а. Олжас Құсайыновтың айтуынша, жобалық және құрылыс ұйымдарының қызметкерлерін аттестаттаудың мақсаты – жобалау және құрылыс процесіне қатысатын қызметшілердің білім деңгейін арттыру.

Олжас Құсайынов: «Қазақстан Республикасының қолданыстағы халықаралық ынтымақтастық шеңберінде аталмыш шара елдің ішінде және халықаралық деңгейдегі құрылыс нарығындағы қазақстандық компаниялардың бәсекелестігін арттыруға мүмкіндік береді», - деп айтты.

Құрылыстық-монтаждық ұйымдарда аттестаттауға бас инженер, ӨТБ бастығы, учаске бастығы, прораб және шеберлер жатады.

Жобалық ұйымдарда: жобаның бас инженері, жобаның бас сәулетшісі, бас құрылымдаушы, жобаның сәйкес бөлімі бойынша жетекші инженер жобалаушы.

«Мемлекеттік көрсетілетін қызметтер туралы» ҚР Заңына сәйкес көрсетілетін қызметтер Стандарттар және Регламентке сәйкес жүзеге асырылады.