Р.Гайсин: «МузАРТ LIVE» тележобасы ұлттық нақышта жүзеге асады

14 Наурыз, 2016 17:34

«МузАРТ LIVE» тележобасы ұлттық нақышта жүзеге асады.Бұл жөнiнде ҚР Президентi жанындағы Орталық коммуникациялар қызметiнде өткен баспасөз мәслихатында аталған жобаның продюсерi, танымал отандық композитор Ринат Гайсин мәлiмдедi.

«МузАРТ – бұл үлкен тарих, бұл даналық жолы, даралық жолы. Топтың 15 жыл бойы тұрақтылықтың үлгiсi болып, елiмiздiң ең сүйiп тыңдайтын тобына айналуы да Мейрамбек, Сәкен мен Кенжебектiң ауызбiршiлiгiнiң арқасында деп ойлаймын. Ендi, «МузАРТ LIVE» жобасына келер болсақ, ол үш кезеңнен тұрады. Бiрiншi кезең – 15 наурыздан 15 сәуiр аралығында онлайн-кастинг өткiзiледi. Екiншi кезең – ол МузАРТ тобының қатысуымен аймақтық iрiктеу және ол 10 мамырдан 25 мамыр аралығында өтедi. Аймақтық iрiктеу Астана, Алматы, Атырау, Семей, Шымкент қалаларында өтпек. Үшiншi кезең – iрiктелген 60 үмiткердiң қатысуымен өтетiн телевизиялық жоба. Айта кету керек, жобаға тек жiгiттер қатысады және жоба барысында тек қазақ тiлiндегi әндер орындалады», - дедi Р.Гайсин.

Баспасөз мәслихатында мәлiм болғандай, МузАРТ тобының iзбасары болуға ниеттi жiгiттердiң өнерiмен қатар, жасына да шектеу бар. Яғни, аталған жобаға тек 16-25 жас аралығындағы талант иелерi қатысып, бақтарын сынай алады.

Барлық жаңалықтар