Астанада «Мемлекет басшысы және ҚР Қарулы Күштері» тақырыбында дөңгелек үстел өтті

18 Қараша, 2013 09:43

Мемлекеттік тарих институтында генерал-лейтенант Бауыржан Ертаев пен Абай Тасболатовтың қатысуымен «Мемлекет басшысы және ҚР-ның Қарулы күштері» атты дөңгелек үстел өтті, деп хабарлайды Л.Н.Гумилев атындағы Еуразия Ұлттық университетінің баспасөз қызметі.

«Генерал-лейтенанттар дөңгелек үстелге қатысушыларға тәуелсіз Қазақстанның Қарулы Күштерінің құрылу тарихын әңгімеледі», - делінген хабарламада.

Б.Ертаевтың айтуынша, 1992 жылдың 7 мамырында Президент Н.Назарбаев ҚР Қарулы Күштерін құру туралы жарлыққа қол қойды.

«1993 жылдың 9 сәуірінде «Қазақстан Республикасының қорғанысы мен Қарулы Күштері туралы» Заң қабылданды. Аталмыш Заң мемлекеттің әскери қауіпсіздігін қамтамасыз ететін өзге де маңызды құжаттардың қабылдануына негіз болды. 1993 жылдардан кейінгі уақыттарда да әскери жасақтану мен тұрақтылықты орнатуға, КСРО-ның құруынан кейін пайда болған келеңсіздіктерді жою жұмыстары жүргізілді. 1993 жылы Қазақстанның алғашқы әскери доктринасы қабылданды», - деді генерал-лейтенант Бауыржан Ертаев.

Дөңгелек үстелде жоғарыдағы ірі жұмыстардың нәтижесі ретінде тәуелсіз Қазақстанның күшті әскерін айта аламыз. Ол жыл өткен сайн жаңару үстінде. Қазіргі таңда әскери жүйеден келісімшарттық қызметке ауысу жұмыстары жүргізілуде. Қазақстанның жас әскерилері демократиялық басып алу мен шекараны қорғау мақсатында жаңа технологиялар мен қаруларды жетік меңгерген.

Шараға қатысушылардың ойынша, Мемлекет басшысы Қазақстан Республикасының Қарулы Күштерін құру мен нығайтуда үлкен рөл атқарады.