2016 жылы 100 мың жұмысшыны қазақстандық автожол құрылысына тарту жоспарлануда
14 Наурыз, 2016 12:42
2016 жылы 100 мың жұмысшы еңбек ететін 2 мың шақырымға жуық жол құрылысы жүргізіледі деп жоспарлануда, деді ҚР Президенті жанындағы Қазақстан стратегиялық зерттеулер институтының директоры Ерлан Қарин «Еуразияның көліктік дәлізі: жаңа ынтымақтастық бағыт» атты екінші халықаралық конференцияда.
«2016 жылы Қазақстанда автожол саласында «Орталық-Оңтүстік», «Орталық-Батыс», «Орталық-Шығыс» бағыттары бойынша 9 жоба жұмыс істейтін болады. Жалпы, 100 мың жұмысшы еңбек ететін 2 мың шақырымға жуық жол құрылысы жүргізіледі деп жоспарлануда»,-деп атап өтті ол.
Е.Қариннің айтуынша, ҚР Президенті Н.Назарбаев көлік-логистика инфроқұрылымы жаһандық тұрақсыздың кезінде экономикалық өсімге қызмет ететін негізгі бағыттардың бірі болатынын бекер айтып жүрген жоқ.
Сондықтан, осы жылдың ақпан айындағы Үкіметтің кеңейтілген отырысында дағдарысқа қарсы шараларды жүзеге асыру үшін қаржы қарастыру шешімі қабылданған болатын. Соның ішінде «Нұрлы жол» мемлекеттік бағдарламасы бойынша инфроқұрылымдық жобаларды іске асыру мәселелері де бар.
Индира Кауметова
