Е.Слобода: Қазақстандағы сайлауға ТМД атынан 301 бақылаушы қатысады
14 Наурыз, 2016 11:48
ТМД атынан қатысатын миссия құрамында 301 бақылаушы бар, деді ТМД атынан бақылаушылар миссиясы штабының жетекшісі Евгений Слобода ОСК брифингінде.
«Бүгінгі таңда ОСК 301 бақылаушыны тіркеді. Қазіргі таңда 293 бақылаушы аккредиттелді. Миссия құрамында – Украинадан басқа ТМД қатысушылары, ТМД қатысушы елдердің парламентаралық ассамблеясы, Беларусь пен Ресейдің парламентаралық жиыны, ҰҚШҰ ассамблеясы мен Достастықтың атқарушы комитеті бар», - деді ол.
Штаб миссиясының жетекшісі айтқандай, сайлау күні Астана мен Алматы және бар өңірлер бақылауда болады.
Естерiңiзге сала кетсек, шет мемлекеттер мен халықаралық ұйымдардың бақылаушыларын аккредиттеудi Орталық сайлау комиссиясы 2016 жылғы бүгiнгi күннiң соңына, яғни 14 наурызға дейiн жүзеге асырады.
Ботагөз Айтжанова
