Төрт апта ішінде «Мәңгілік ел» пойызының дәрігерлері 12 мыңнан астам қазақстандыққа көмек көрсетті (ФОТО)

Қазақ хандығының ежелгі астанасы Түркістан «Мәңгілік ел» пойызын қарсы алды. Оңтүстік Қазақстан облысы пойыз барған өңірлердің он біріншісі.

Сонан соң білікті мамандар халықты қабылдады. Мәселен, бір топ заңгер жаңадан қабылданып жатқан заңнамаларды түсіндірді. Жұмысшылардың қандай құқықтары, нендей міндеттері барын айтып берді. Ал Әділет министрлігінің өкілдері жылжымайтын мүліктерді тіркеуге қатысты құжаттар тізімін жасақтауға жәрдем етті.

«Осы уақыт аралығында акцияға қатысушылар 39 мың адамды қамтыды. Бұл бұқаралық семинарлар, тренингтер мен минтсингтер, мәдени шарадар мен концерттер, қайырымдылық акциялар мен министрлік, ведомство өкілдерімен өткен жеке консультациялар», - деді «Мәңгілік ел» пойызының бастығы  Руслан Барбасов.

Түркістан қаласы – 28-ші аялдама. Жалпы, бүгінгі таңда 37 мыңнан астам тұрғынға көмек көрсетіліп отыр. Оған қоса, пойыз құрамындағы дәрігерлеріміз 12 мыңнан астам азаматқа тегін медициналық көмек беріп өтті.

Акцияға қатысушылар Түркістанда ауқымды жұмыс атқарды, олар халыққа өзекті мәселе бойынша көмек көрсетті. Пойыз жетекшілері мен ҚХА өкілдері және «Қоғамдық келісім» қаланың көрнекті жерлерін аралады. Оның ішінде Тайқазан орналасқан  Қожа Ахмет Яссауи мазары бар.