Қызылорданың 600-ден астам тұрғыны «Мәңгілік ел» пойызының мамандарынан консультация алды (ФОТО)

14 Наурыз, 2016 09:14

Ел тәуелсіздігінің 25 жылдығына орай жасақталған бүгін «Мәңгілік ел» пойызы Қазалы ауданынан кейін облыс орталығы Қызылордаға келді.

«Сыр елі-жыр елі» - Қызылорда тұрғындары сүйікті қалаларын осылай атайды. Бұл қала поэзия мен көптеген өнер түрін сіңірген ыстық аймақ болып саналады. Тұрғындар пойыз мүшелерін аса қуанышпен, қонақжайлылықпен қарсы алды.

«Мәңгілік ел» пойызы Қызылорда облысының орталығына демалыс күні тоқтады. Адамдар қарасы да осыған орай көп болды, мамандар 620 тұрғынға қызмет көрсетті.

Сондай-ақ,, медицина мәселелеріне байланысты облыстық кеңес беру диагностикалық орталығында, мемлекеттік қызмет түрлерін пайдалану жөнінде халыққа қызмет көрсету орталығында, шағын және орта кәсіпкерлікті, бизнес және ауыл шаруашылығын дамыту бойынша кәсіпкерлікті қолдау орталығында келушілерге кеңес беруде.

Ал қорытындысында Достық үйінде ҚР Тәуелсіздігінің 25 жылдығына арналған гала-концерті өтті. Пойыздың келесі тоқтар нүктесі – киелі Түркістан болмақ.