• Басты
  • «Спасск» полигонында офицер-командирлердің жиыны өрістетілді (ФОТО)
14 Наурыз, 2016 08:39

«Спасск» полигонында офицер-командирлердің жиыны өрістетілді (ФОТО)

«Астана» өңірлік қолбасшылығына қарасты «Спасс» оқу-жаттығу орталығының базасында батальон командирлері мен штаб бастықтарының он күндік жиыны басталды, деп хабарлады Қорғаныс министрлігі.
«Спасск» полигонында офицер-командирлердің жиыны өрістетілді  (ФОТО)

20-дан аса офицерге өзінің теориялық дайындығын көрсетіп, командирлердің негізгі әскери пәндері, яғни, әскери педагогика, психология, халықаралық гуманитарлық құқық бойынша білімдерін шыңдауға тура келеді.

  «Жиын барысында офицерлердің жоғары моральдық-жауынгерлік қасиеттерін, моральдық-психологиялық тұрақтылығын қалыптастыруға, заманауи ұрыстың шынайылығына сәйкес шығармашылық ойлау мен бастамашылдықты дамытуға ерекше мән беріледі», - деп жиын жетекшісі Юрий Асқаров түсіндірді. 

Оның айтуынша, бұл сабақтар «Астана» өңірлік қолбасшылығы бөлімдері мен бөлімшелерінің ұдайы жауынгерлік әзірлігін ұстап тұруға көмектеседі. Мұндай жиынның арқасында әскери қызметшілер өздерінің функционалдық міндеттерін шебер әрі сенімді орындау үшін кәсіби даярлықтарын шыңдайды. Сонымен бірге офицерлер, батальон командирлері мен штаб бастықтары үшін жиын өткізу – бұл теориялық білімді бекітудің, негізгі оқыту пәндері бойынша басшылық құжаттардың талаптарымен танысудың, сондай-ақ қызметтік тапсырмаларды жүзеге асыру үшін пайдалы ақпарат алудың нағыз мүмкіндігі. 

  Жиын қорытындысы бойынша батальон командирлері мен штаб бастықтарына жауынгерлік, техникалық және тылдық қамтамасыз етудің барлық түрлері бойынша тестілеу тапсыру қажет болады. Соның нәтижесінде жиынды ойдағыдай аяқтаған үздік әскери қызметшілер анықталады.


 

Барлық жаңалықтар