ҚР ИДМ-да инвесторлардың проблемалары талқыланды
12 Наурыз, 2016 15:32
Қазақстандағы инвесторларды алаңдататын негізгі салалар ол – салық, кедендік реттеу, көші-қон, еңбек және жер қатынастары, құрылыс және лицензиялау, деп хабарлады облыс әкімдігі.
Бұл туралы Қазақстан Республикасындағы инвестициялық қызметтің барысында туындаған мәселелер бойынша өткен ведомствоаралық жұмыс тобының кезекті отырысында белгілі болды. Кездесу Инвестициялық омбудсмен – Қазақстан Республикасының Инвестициялар және даму министрі Әсет Исекешевтің төрағалығымен өтті.
Отырыста машина жасау, ауыл шаруашылығы, жобалау және тұрғын үй-азаматтық нысандар құрылысы, өнеркәсіптің әртүрлі салаларына қажетті жоғары технологиялы құрал-жабдықтар өндірісі, көлік және байланыс т.б. салаларды қызмет етіп жатқан 9 компанияның мәселелері қаралды.
Кеңес барысында 5 инвестордың мәселесі жедел шешіліп, 4 мәселе бойынша Қазақстан Республикасының заңнамаларын жақсарту туралы ұсыныстар әзірленді.
