Прагада Қазақстанның Дипломатиялық кеші өтті

11 Наурыз, 2016 17:19

Прагада Чех Республикасының Индустрия және сауда министрлігінің және чехиялы-қазақстандық аралас сауда палатасының қолдауымен Қазақстанның Дипломатиялық кеші өтті. Ол жерде Президент Әкімшілігінің, Үкіметтің, Пардаменттің, СІМ, Чех Республикасының іскерлік және сарапшылар тобының өкілдері қатысты, деп ҚР СІМ хабарлайды.

Кештің ашылуында Чехтің өнеркәсіп және сауда министрі Ян Младек пен Қазақстан елшісі Сержан Әбдікәрімов және Қазақстан-Чехия аралас палатасының төрағасы Евгений Цой сөз сөйледі.

Өз сөзінде Я. Младек ел арасында экономикалық қарым-қатынасты, екіжақты ынтымақтастықтың барлық спектрінде сапалық және сандық кеңейтуде Прага мен Астананың өзара қызығушылықтарын айтты»,-деп хабарландыруда айтылған.

Чех министрі қазақстанның экономикалық даму мен жаңғыруына жоғары баға берді.

Өз кезегінде С.Әбдікәрімов әлемдік қаржы-экономикалық дағдарысқа қарамастан, қазақстан «Нұрлы жол», Ұлт жоспары «бес институционалды реформаны іске асыруда 100 нақты қадам» жобаларын іске асырып жатқандығын айтып өтті.

Қазақстандық дипломат 2016 жылы 20 наурызда Қазақстанда өтетін сайлауға саяси партиялардың дайындықтарын, «ЭКСПО-2017» халықаралық мамандандырылған көрмесін айтып өтті.

Чехиялы-қазақстандық аралас сауда палатасының төрағасы Е. Цой чехтік бизнесмендерді Қазақстанда өзекті жұмыс жасауға шақырды. Ол энергетика, инфрақұрылым, туризм, банк істері және металлургия саласында 120-дан астам жобалар қарастырылу үстінде екендігін айтты.

Барлық жаңалықтар