Б.Даутбаев: 2015-ші жылы инновациялық инфроқұрылым нысандарының пайдасы 164 млн. теңгені құрады

«2015-ші жылдың қорытындысы бойынша 164 млн. теңге таза табысқа қол жеткізілді»,-деді Б.Даутбаев ОКҚ өткен баспасөз конференциясында.

Оның айтуыша, бүгінгі таңда еліміз бойынша 8 аймақтық технопарк жұмыс істеп тұр. Олардың негізгі қызмет түрі технологиялық бизнес-инкубациялау. Технологиялық бизнес-инкубациялау бағдарламасы ҚР инвестиция және даму министрлігімен 2010 жылдан бері жүзеге асырылуда.

«Егер 2010-2015 жылдардағы статистикалық дерекке сүйенетін болсақ, бағдарлама аясында 975 млн. теңгенің 116 жобасы жүзеге асырылған»,-деп атап өтті ол.

«Сарыарқа» технопаркі арқылы Воронов ойлап тапқан жылу алмастыру өндірістік кәсіпорынының модульдік жобасы қолдау тапқанын атап өтті.

«Қазіргі таңда бұл модуль жылыту маусымында 40-45% отын үнемдеуге мүмкіндік беріп отыр. Аталмыш модуль 12 өндіріс нысандарына орнатылған. Солардың қатарында Қарағанды қаласының әуежайы бар»,-деді Б.Даутбаев.