ҚР ҚК-нің әскери қызметшілері «Әскери барлау үздігі» халықаралық байқауында алғаш рет өнер көрсетеді

Құрлық әскерлерінің деңгейіндегі келесі іріктеу кезеңінен өту құқығына өздерінің әскери бөлімдеріндегі үздік 12 әскери қызметшіден 5 топ жарысқа түседі. Аэроұтқыр әскерлерінің деңгейіндегі іріктеуден кейін ҚР Қарулы Күштерінің соңғы кезеңі аяқталады.

Сол кезде мықты қатысушы команда анықталатын болады.  Қазақстанның әскери қызметшілері «Әскери барлау үздігі» байқауына алғаш рет қатысқалы отыр. Үздік, мықты және ең кәсіби деген атаққа ие болу үшін өзге елдердің командаларымен бақ сынасуда оларға бірнеше кезеңнен өтуге тура келеді. Командалар десанттау мен марш жүгіруді орындайды, оқ атады, кедергілер жолағынан өтіп, жаяу әскердің жауынгерлік машинасын жүргізу дағдысын, сондай-ақ ЖӘЖМ-нің 100 метрге жүзіп өтуін көрсетеді. 

Содан кейін әскери қызметшілерге 5 шақырымға жүгіруге және операцияларды жүргізудің ең күрделі тәсілдерінің бірі – торуылды жасауға тура келеді. Армия халықаралық ойындары – 2016 осы жазда Ресей Федерациясының аумағында және «Артиллериялық атыс шеберлері» мен «Мерген шебі» атты екі байқау Қазақстанда тұңғыш рет өтетінін айта кеткен жөн.  АрМИ-2016 бағдарламасына далалық, әуе және теңіз машығы бойынша барлығы 23 байқау кірді.  Әскери қызметшілеріміз барлық аталымдарда, дәлірек айтсақ, 21 конкурста ұсынылатын болады. Онда әртүрлі мемлекеттердің Қарулы Күштерінің әскери қызметшілерімен сайысқа түседі.