2015 жылы бизнес мемлекеттiк органдардан 500 млн теңгеге жуық қаражат өндiрiп алған - ҰКП
10 Наурыз, 2016 13:57
Бүгiнгi таңда бизнес мемлекеттiк органдардан 500 млн теңгеге жуық қаражат өндiрiп алған. Бұл жөнiнде «Атамекен» ҚР ҰКП Кәсiпкерлер құқықтарын қорғау жөнiндегi кеңестiң отырысында кеңес төрағасы Ғани Қасымов мәлiмдедi.
«Өткен жылы мемлекеттiк органдар бизнеске 1 млрд теңгеге жуық қаражат қарыз болып қалды. Бұл бизнес пайдасына шығарылған сот қаулыларының орындалмаған шешiмдерi. Бүгiнгi таңда аталған соманың шамамен жартысы кәсiпкерлерге қайтарылды», - деген ол бұл кеңес мүшелерiнiң белсендi жұмысының арқасында қол жеткізілген жақсы көрсеткiш екенiн айтты.+
«Осы жылдан бастап Ұлттық палата тұрақты негiзде кәсiпкерлер пайдасына шығарылған сот шешiмдерiнiң орындалу барысына мониторинг жүргiзетiн болады. Бұл мәселенi бiз кеңестiң келесi бiр отырысында талқылауға шығаратын боламыз», - дедi Ғ.Қасымов.
