ҚР-ның темір жол саласында субсидиялау жүйесі қайта қарастырылуда
«Теміржолмен жолаушылар тасымалдауға инвестициялар тартуға заңнамалық жағдай жасау.Заңнамалық негізде бағдарда бір тасымалдаушының қызмет көрсетуі мерзімінің ұзақтығын бекіту және тасымалдаушыларға жаңа вагондар сатып алуы жөнінде талаптарды қосу ұсынылады», - деді ИДМ министрі Ә.Исекешев.
Өз кезегінде, бұл мынадай шараларға мүмкіндік береді:билет тапшылығын, әсіресе жаз айларындағы тапшылықты азайту;жұртшылықтың қажетіне қарай жаңа бағдарлар ашу;жолаушыларға жаңа және қазіргі заманғы вагондармен қызмет көрсету, бұл жұртшылықтың жолаушы тасымалдауға қанағаттануына және қызмет сапасын арттыруға септеседі;пойыздың жол жүруі барысында жолаушыларға қосымша қызмет көрсету.
Әлеуметтік маңызы бар қатынас бойынша жолаушыларды тасымалдау бағасын мемлекеттік реттеу тиімділігін арттыру. Жолаушыларды тасымалдау бағасын мемлекеттік реттеуді үйлестіруді қамтамасыз ету мақсатында Заң жобасы бойынша жолаушыларды тасымалдау бағасын реттеумен шұғылданатын бір мемлекеттік органды белгілеу қарастырылған. Бұл жол жүру құжаттарының құнын ұзақ мерзімге болжауға және жолаушылардың сұранысы мен ұсынысына икемді құлақ асуға мүмкіндік береді.
«Теміржол вагондарын шығаруға ынталандыруға заңнамалық жағдай тудыру.Заң жобасындатеміржол вагондарын алуды қаржыландыру мен қаржылық лизингте сыйақы ставкаларын субсидиялауға мүмкіндік беретін түзетулер қарастырылған. Бұл, жүктерді контейнерлермен тасымалдауға арналған 1,5 мың фитингтік вагондар сатып алуға мүмкіндік ашады және осындай тасымалдау қажеттілігін қамтамасыз етеді. Мысалға, Қытай мен Еуропаның арасындағы контейнермен тасымалдау 2015 жылы 2 есеге артты», - деді министр.
Анар Тәңірқұлова
