• Басты
  • Астанада 10 наурызан бастап ҰБТ-ға қатысу туралы өтініштер қабылдана бастайды

Астанада 10 наурызан бастап ҰБТ-ға қатысу туралы өтініштер қабылдана бастайды

9 Наурыз, 2016 18:04
Ертең елордада Ұлттық бірыңғай тестілеуге қатысу туралы өтініштер қабылдау басталады және 25 сәуірге дейін жалғасады. Қалалық Білім басқармасының мәліметінше, биыл 4 мыңға жуық елордалық оқушы тест тапсырады деп күтілуде. 192 оқушы «Алтын белгіге» үміткер, деп хабарлады қала әкімдігінің ресми сайты.

Айта кетейік, ҚР Білім және ғылым министрлігі Білім және ғылым саласындағы бақылау комитетінің өкілдері мұғалімдермен, ата-аналармен және мектеп түлектерімен ақпараттық-түсіндіру жұмыстарын жүргізді.

Мектептерде сынақтар, қосымша сабақтар жүргізілуде, сондай-ақ, жыл сайын түлектер психологиялық тұрғыдан дайындалады.

Еске салайық, биыл Ұлттық бірыңғай тестілеу 1-15 маусым аралығында бұрынғы формат бойынша үш жерде өтеді.

 

Барлық жаңалықтар