2015 жылы Алматы қаласы бюджетті 1,5 трлн. теңге түсіммен қамтамасыз етті
10 Наурыз, 2016 08:39
2015 жылдың қорытындысы бойынша Алматы қаласы бюджетті 1,5 трлн. теңге түсіммен қамтамасыз етті. Бұл республикалық бюджеттің 31 %-н құрайды, деп хабарлады Алматы қалалық мемлекеттік кіріс департаменті.
Бұл көрсеткіш әкімшіліктің жемісті жұмысының нәтижесінде жүзеге асып отыр. Барлық әкімшілік бағыттарда бюджетке қосымша 119,8 млрд. теңге түскен.. Бұл 2014 жылмен салыстырғанда 2,7 есе артық.
Жасырын кірістер мен импорт өнімдеріндегі мәселелерге баса назар аударылды. 1 264 салықтық тексерістер жүргізіліп, 1 760 салық төлеушіге кезеңдік зерттеулер жасалды.
Бақылау-профилактикалық жұмыстармен қатар заңсыздыққа жол бермеу жайы да түсіндірілді.
Мысалы, тек қана сауда үйлері мен базарларға жеке кәсіпкер ретінде тіркелу туралы 10 мың түсіндірме парақшалары таратылды.
Көптеген салық төлеушілер кеңеске құлақ асып, кәсіптерін заңды түрде жүргізуді бастаған. Нәтижесінде 3,5 мың заңды тұлға есепке тіркеліп, 4 мың кассалық аппарат тіркелген.
