Қытай Қазақстанмен коммуникациялық технологиялар саласында ынтымақтастық орнатуға мүдделі

Елшілік ақпараттық және коммуникациялық технологиялар (АКТ) саласындағы компанияның озық әзірлемелерімен,  «Қауіпсіз қала» (Safe city) салумен, «Ақылды қала» (Smart city), 4G  және 5G мобильді интернетті қолданумен, бұлтты есептеулерді пайдаланумен(Cloud computing), үлкен деректер базасын құрумен (Data center) танысты.

«Хуавэй»-дің вице-президенті Линь Жуйцимен кездесуде ақпараттық, телекоммуникациялық және интернет салалардағы екі елдің компаниялары арасындағы ынтымақтастықтың келешегін талқылады.

«Ш.Нұрышев «Хуавэй» компаниясын «Ақпараттық Қазақстан» мемлекеттік бағдарламасы мен ЭКСПО-2017 халқаралақы мамандандырылған көрмені  іске асыруда қатысуға шақырды», деп хабарландыруда айтылған.

Линь Жуйци, өз кезегінде, «Хуавэй» корпорациясы Қазақстанмен ынтымақтастық жасауға, ЭКСПО-2017 көрмесіне дайындық және өткізу кезінде АКТ қолдануда өз тәжірибелерін бөлісуге ниетті екендігін айтты. Оның айтуынша, корпорациясы Қазақстанмен кең жолақты Интернетке қоғамдық қол жетімділігін қамтамасыз ету саласында ынтымақтастықты дамытуға, «Ақпараттық Қазақстан-2020» бағдарламасын іске асыруда қатысуға мүдделі.