Ташкентте Шанхай ынтымақтастық ұйымына мүше елдер министрлерінің кеңесі өтті
«Кездесу барысында қатысушылар ШЫҰ шеңберінде көлік саласындағы көп жақты ынтымақтастықты дамыту жағдайы жөніндегі пікірлерімен бөлісті. Одан басқа, қатысушылар әуенавигация саласындағы ынтымақтастықты дамытуға, халықаралық әуежайларды салу және басқару тәжірибесімен бөлісуге, жаңа әуе бағдарларды ашу көріністерімен жұмыс жасауға келісті», - деп хабарламада нақтыланған.
Болған отырыс нәтижесінде қатысушылар ШЫҰ мүше елдердің сауда-экономикалық көп жақты ынтымақтастық бағдарламасына сәйкес көлік саласындағы ынтымақтастықты дамытуды жалғастыруға келісті. Сонымен бірге көлік инфрақұрылымын дамытуға аса көңіл бөлуді ұйғарды. Атап айтқанда құрылыс жобаларын іске асыру арқылы теміржол көлік объектілерін пайдалануға беру.
Сонымен бірге делегациялардың басшылары аймақтағы халықаралық интермодальдық логистикалық орталықтардағы қазіргі жаңа мүмкіндіктерді ашу және қолдану маңыздылығын белгіледі.
ШЫҰ мүше елдер үкімет басшыларының Кеңес отырысы 2013 жылдағы қарашаның 28-29 күндері Ташкент қаласында өтеді. Алдағы кездесу барысында ШЫҰ мүше елдері арасында халықаралық автомобиль тасымалы үшін қолайлы жағдай жасау, Ұйымға мүше елдердің транзитті әлеуетін көтеру және өзаралық сауда және инвестиция көлемін арттыру жөніндегі Келісімшартқа қол қою жоспарланған.
