ҚР ҚК-де Армия ойындары-2016-ға қатысу үшін іріктеу кезеңі басталды (ФОТО)

Байқауға қатысу үшін 3 негізгі және 1 резервтік есептоп іріктеліп алынды.   Конкурсқа дайындалу кезінде әскери қызметші химиктер барлау-химиялық машиналарда жеке жарысты, химиялық зақымдау қөзін іздестіруді, арнайы өңдеуді жүргізу мен атыс-шабуылдау жолағында мәрені, сондай-ақ эстафета мен атыс даярлығын пысықтайды. Әскери қызметшілерді іріктеу кезінде олардың психологиялық тұрақтылығы, дене төзімділігі, кәсіби дағдысы мен атыс дарялығының бағасы зерделенді. «Қауіпсіз орта – 2016» байқауының ережесі негізінде дайындық жоспары әзірленді, апта сайын даярлық пәндері бойынша сабақ кестесі жасалады.

Одан басқа, барлық кедергілермен «Буньково» полигоны жерінің болжалды сұлбасы құрылды.  Күн сайын қатысушылардың таңғы уақыты дене даярлығынан, яғни, жылдамдық пен күшті дамытуға арналған жаттығудан  басталады. Бөлім аумағында жергілікті жерде иондалған сәулелену көзін айқындау бойынша практикалық сабақтар өткізіледі. Автодромда жауынгерлік барлау машинасы іс жүзінде жүргізіледі, сондай-ақ жеке құрам жүзу бойынша жаттығу өткізеді.

Сайысқа қатысушыларды дайындау мақсаты ҚР Қарулы Күштерінің РХБҚ әскерлері арасында Гвардейск кентінде өтетін «Қауіпсіз орта» байқауының іріктеу айналымынан өту. Аталмыш сайысқа қатысушы дебютант Ресей Федерациясында еліміздің намысын қорғайтын болады. Бөлімшелердің іс-қимылдарының үйлесімділігіне, әр маманның біліктілігі мен теориялық біліміне, орағытуды шебер орындауына, тәжірибесіне, экипаж есептоптары арасындағы өзара іс-қимылға ерекше назар  аударылатынын айта кетейік.