9 Наурыз, 2016 11:49
Сингапурде ЭКСПО-2017 көрмесін таныстырды
Биылғы наурыздың 4-і мен 6-ы күндері Сингапурде ҚР елшілігі мен «Эйр-Астана» әуе компаниясы бірлесіп ұйымдастырған ЭКСПО-2017 халықаралық мамандандырылған көрмесінің көрме экспозициясы болды, деп хабарлады СІМ.
Сингапурдың туристік ассоциация агенттігі Ұлттық Жәрмеңкесінің аясында қазақстандық павильон сингапурлық қоғамдастыққа Қазақстан республикасының туристік әлеуетін таныстырды. Қазақстанның көрме алаңында ЭКСПО-2017 «Болашақтың энергиясы» тақырыбына арналған ақпарат матриалдары кеңінен жарияланды.
«Аталмыш іс-шара 2017 жылдың 10-шы маусымынан 10-шы қыркүйегіне дейін өтетін көрме аясында қазақстандық туристік өнімдерді көрсету арқылы халықаралық туристік ұйымдарды тарту бағытына арналды»,-делінген хабарламада.
Көрменің ашылу салтанатында сөз алған Сингапур Ұлттық туристік агенттігі ассоциациясының президенті Дэвиндер Охри Қазақстанның сингапурлықтар үшін перспективалы туристік бағыт екенін ерекше атап өтті.
