Астана қаласының апатты баспаналарының тұрғындары «Қолжетімді баспана-2020» бағдарламасы бойынша жаңа пәтерлерге көшірілді

«Бұл тұрғын үй кешені бір және екі бөлмелі 90 пәтерден тұратын, жалпы ауданы 3,6 мың шаршы метр құрайтын 5 қабатты ғимарат. Бұл үйде енді Кенесары көшесіндегі 1960 жылдары салынған апатты екі қабатты үш үйдегі пәтерлердің меншіктенушілері тұратын болады. Тұрғын үйді беру тұрғын үйдің ауданынан шыға отырып, «шаршыға шаршы» қағидасы бойынша жүзеге асырылып келеді, бірақ 1 бөлмелі пәтерден кем емес», - деп хабарламада нақтыланған.

Жоба Астана қаласындағы «ескі» кварталдарды кешенді қайта қалыптастыруды және жаңа тұрғын үйлердің құрылысын қарастырады, олардың 30%-ы бұзылушы үйлердің тұрғындарын көшіру үшін қолданылса, 70% құрайтын тұрғын және тұрғын емес орын-жайлардың қалған бос аудандары бұдан кейінгі құрылысты қайта инвестициялау және қарыз қаражаттарды қайтару мақсатында жылжымайтын мүлік нарығында сатылады.

2013 жылы пәтерлерінің жалпы ауданы 24 мың шаршы метр  құрайтын 4 тұрғын үй кешенін пайдалануға беру жоспарланып отыр, оның ішінен 9,7 мың шаршы метр осы жылы бұзылатын 11 апатты тұрғын үйлердің меншіктенушілерін көшіру үшін коммуналдық меншікке берілетін болады, бұл 189 пәтер немесе 2 тұрғын үй кешені.

Сондай-ақ, 2014 жылы ауданы 79 мың шаршы метр  құрайтын тұрғын үйдің құрылысын қамтамасыз ету жоспарлануда, оның 24 мың шаршы метр  коммуналдық тұрғын үй қорына беріледі.

2017 жылдың соңына дейін, яғни пилоттық жобаның тізімінде белгіленген 228 апатты тұрғын үйді бұзу кезеңінде «Елорда даму» ЖШС-імен тұрғын үйдің 616 мың шаршы метр салынады, оның ішінен апатты тұрғын үйлердің меншіктенушілерін көшіру үшін 187 мың  шаршы метр немесе 3 519 пәтерді коммуналдық тұрғын үй қорына тапсыру жоспарланып отыр.