Астанада мүмкіндігі шектеулі әйелдерді құттықтады

8 Наурыз, 2016 15:36

Астанада «Үлкен ел – үлкен отбасы» атты ҚХА-ң жалпыұлттық жобасы аясында акция ұйымдастырылды. Ондағы мақсат – мүмкіндігі шектеулі әйелдерді қолдау және құттықтау. Іс-шараға ҚХА-ы мен мемлекеттік орган өкілдері, қоғам қайраткерлері, елорданың тұрғындары мен қонақтары қатысты. Негізгі ұйымдастырушысы «Ахыска» түрік этномәдени орталығы.

Акция аясында Қазақ зағиптар қоғамының белсенділері, этномәдени орталықтардың өкілдері, өнер жұлдыздары мен әртістер концерт қойды.

«Осында жиналған барлық нәзік жандыларды Халықаралық 8 Наурыз әйелдер күнімен құттықтаймын! Біздің мақсат: «Үлкен ел – үлкен отбасы» жалпыұлттық жобасына қатысу және қоғамымыздың әлсіз әлеуметтк топтарына деген қарым-қатынасымыздың қандай екенін көрсету. Мүмкіндігі шектеулі азаматтарға қоғамның назарын аудартқымыз келеді. Әсіресе зағип жандарға. Біз көзі нашар көретіндердің өз өнерлерін көрсететіндей мүмкіндік жасауды қарастырдық. Олардың «Үлкен отбасы» мүшелері екендерін сенулеріне мүмкіндік қарастырып отырмыз»,-деді «Ахыска» түрік этномәдени орталығының төрағасы Әскер Пириев.

Іс-шара қатысушылары Нұрсұлтан Құрман, Алтынай Жорабаева,и Оксана Лоскутова, Сандуғаш Сұлтан сияқты өнер жұлдыздары да құттықтады. Осындай іс-шараны «Ахыска» түрік этномәдени орталығы 5-ші рет ұйымдастырып отыр. Яғни, дәстүрге айналған.

Данияр Қасымов

Барлық жаңалықтар