«Мәңгілік Ел» пойызының дәрігерлері Шетпе ауылының 300-ден астам тұрғынын қарады

8 Наурыз, 2016 13:01

ҚР Тәуелсіздігінің 25 жылдығына орай ел аралауға шыққан «Мәңгілік Ел» пойызы Маңғыстау облысының Шетпе ауылында болды. Онда негізгі салмақ 300-ден астам азаматтарды қабылдап, кеңес берген дәрігерлерге түсті.

«Шетпе ауылы Маңғыстау ауданының орталығы. Бұл жерде біздің басты жұмысымыз тұрғындарға жоғары дәрежелі медициналық көмек көрсету болды. Сондықтан, біздің 25 медицина мамандарымыз Шетпе ауданының аудандық ауруханасында белсенді қызмет атқарды»,-деп хабарлады «Мәңгілік Ел» пойызының штаб бастығы Әміржан Әлпейісов.

Пойыз дәрігерлерінің айтуынша аудандық аурухана қызметкерлері «Мәңгілік Ел» пойызының мамандарына диагнозы анықталмаған, жағдайы ауыр сырқаттарды дайындап қойған және үлкен дайындық жасаған. Жергілікті аурухана дәрігерлерімен пойыз дәрігерлерінің бірлесе жұмыс істеулерінің нәтижесінде қабылдауға жазылған 306 азаматты қарап шығуға мүмкіндік болған.

Айта кетеу керек, кезекке жазылған азаматтардың көптігіне қарамастан барлығы қабылданды және ешбір адам назардан тыс қалған жоқ.