• Главная
  • Л.Сүлеймен: Біздің қоғамдағы әйелдер – тегеурінді біріктіруші күш
8 марта, 2016 10:02

Л.Сүлеймен: Біздің қоғамдағы әйелдер – тегеурінді біріктіруші күш

Біздің қоғамдағы әйелдер – ол тегеурінді біріктіруші күш, деді ҚР Президенті жанындағы отбасы-демографиялық саясат және әйелдер ісі жөніндегі ұлттық комиссия төрағасының орынбасары, Орталық сайлау комиссиясының мүшесі Ләззат Сүлеймен Strategy2050.kz АА берген эксклюзивті сұхбатында.
Л.Сүлеймен: Біздің қоғамдағы әйелдер –  тегеурінді біріктіруші күш

«ҚР Президенті жанындағы отбасы-демографиылық саясат және әйелдер ісі жөніндегі ұлттық комиссия еліміздегі әйелдерді мүддесін қорғаушы болып табылады. ҚР гендерлік теңдік Стратегиясының аясында Ұлттық комиссияның негізгі бағыттарына экономикалық, әйелдердің саяси қозғалысы, әйел мен оның отбасының денсаулығын сақтау және әйелдерге қатысты зорлық-зомбылықтың алдын алу мәселелелері жатады. Осы төрт бағыт бойынша кешенді жұмыстар жүргізіледі»,-деді Л.Сүлеймен.

Ұлттық комиисия төрағасының орынбасары атап өткендей, бүгінде ішкі жалпы өнімнің 40 %-ы кәсіпкер әйелдердің есебінен құралып отыр.

«Әйелдердің саяси қозғалысы туралы айтар болсақ, жыл сайын биліктің өкілдік органдарында өсу байқалады. Мысалы, 2012 жылғы сайлауда мәслихат депутаттығына үміткер ретінде тіркелген әйелдер 23 % болса, биыл 26% құрап отыр. Яғни, әйелдердің саяси белсенділігі артып отыр деген сөз»,-дейді Л.Сүлейменова.

Еске сала кетейік, отбасы-демографиялық саясат және әйелдер ісі Ұлттық комиссиясы ҚР Президенті жанындағы консультативтік орган болып есептеледі. Комиссияның атқаратын бір мәселесі отбасына қатысты кешенді мемлекеттік саясатты қалыптастыру және жүзеге асыру, ер мен әйел теңдігін қамтамасыз ету болып табылапды.

Ботагоз Айтжанова