Ақтөбеде 200 мыңнан астам нәзік жанды 8 наурызда қоғамдық көлікпен тегін қатынайды

7 Наурыз, 2016 11:26

Халықаралық әйелдер мерекесі қарсаңында Ақтөбеде әйел азаматтарға жергілікті билік өкілдері осындай тарту жасады, деп хабарлайды «Ақтөбе Ақпарат» орталығы, «Ақтөбе Ақпарат» орталығы хабарлайды.

Облыс әкімі Бердібек Сапарбаевтың бастамасын «Автопарк» және «Жолаушылар тасымалы» ЖШС-тері қолдап, бұл күні әйел азаматтарды тегін тасымалдауды жоспарлап отыр.

Айта кетейік, бүгінде Ақтөбеде мерекелік шаралар басталды.

Мәселен, Қалалық оқушылар Сарайының тәрбиеленушілері еңбек ұжымдары мен мемлекеттік мекемелердің, құқық қорғау органдары мен үкіметтік емес ұйымдарының өкілдерін, сонымен бірге мәслихат депутаттарын құттықтады.

Облыстық өнер музейінде «Орынбор түбіт орамалдары» көрмесі ұйымдастырылып, ресейлік қолөнер шеберлері өздері тоқыған орамалдарды қала тұрғындарының назарына ұсынды.

Сонымен бірге, Жастар сапайында жергілікті орындаушылардың қатысуымен мерекелік концерт өтті. Жастар сарайының фойесінде «Ана симфониясы» деген тақырыпта суретшілердің көрмесі болып өтті.

Барлық жаңалықтар