Қазақстандықтардың шамамен 97%-ы Елбасының сыны Үкімет пен мемлекеттік орган қызметін жандандырды деп санайды

Әлеуметтік-саяси зерттеу институты 9-14 қараша аралығында 11 қазандағы Үкіметтің кеңейтілген отырысында айтылған Елбасының сын-тапсырмалары туралы қазақстандықтардың қоғамдық пікірін білу бойынша сауалнама жүргізген болатын. Ол еліміздің 14 облысы мен республикалық маңызы бар 2 қаласында өтті.

Сонымен сауалнамаға қатысқан халықтың 97%-ы Елбасының 11 қазандағы Үкіметтің кеңейтілген отырысында халықтың басындағы әлеуметтік мәселелердің шешімін таппай жатқаны туралы айтқан сыны Үкімет пен мемлекеттік органдардың қызметін жандандырды деп санайды.

Мемлекет басшысының тапсырмасы сай Үкімет пен мемлекеттік орган қызметінен сауалнамаға қатысқан халықтың 97%-ы хабардар.

Азаматтардың көпшілігі ТКШ, ауылшаруашылығы, білім беру және әлеуметтік мәселелерге бағытталған мемлекеттік бағдарламалар жай өз пікірлерін білдірді. Шамамен 90%-ы кінәні шенеуніктердің жауапкершілігінің төмендігінен деп санайды.

Мемлекет басшысының берген тапсырмаларының ішінде ең сәтті жүзеге асырылып жатқаны, халықтың 72 пайызының ойынша, бюджеттік қаражатты игермеген шенеуніктерді жазалау туралы, жобаны ұстап тұру және қаражатты жеткілікті жұмсамау туралы заң жобасы. Ал 84 пайыз халық жыл соңына дейін жаңа транспорттық медицина пункттерін іске қосуды қолдаса, 94%-ы бірыңғай мемлекеттік қала құрылысы кадастрын құруды, 92%-ы проблемалы мәселелер төңірегінде БАҚ рөлін көтеру мен Мемлекет басшысының тапсырмасына орай мемлекеттік органдар қызметін бақылауды қолдаған.