Б.Мелдешов: Орталық сайлау комиссиясы саяси партиялар үшін пікірталас өткізуді қарастыруда (ВИДЕО)
5 Наурыз, 2016 17:36
ҚР Орталық сайлау комиссиясының күнтізбелік жоспарында телеарналарда саяси партиялар үшін пікірталас өткізу қарастырылған. Бұл мәселе саяси партиялармен, телеарналармен келісілу үстінде. Бұл жөнінде ҚР ОСК хатшысы Бахыт Мелдешов Strategy2050.kz АА эксклюзивті берген сухбатында айтты.
«ҚР ОСК күнтізбелік жоспарында телеарналарда саяси партиялар үшін пікірталас өткізу қарастырылған. Бұл мәселе саяси партиялармен, телеарналармен келісілу үстінде. Егер бұл мәселе оңтайлы шешілсе, бұл брифинг өткізудің бір белгісі болады»,-деді Б.Мелдешов.
Ортсайлаукомның хатшысы сайлаушылар тізімін нақтылау жүріп жатқандығы және сайлаудан сайлауға қазақстандықтардың көбісі сайлау құқығын қолданып жатқандығын айтты.
«Өткен жылғы президенттік сайлаумен салыстырғанда сайлаушылар саны 200-250 мың адамға өсті. Бұл үрдіс әрдайым нақтыллап отыруды талап етеді»,-деді ол.
Естерінізге сала кетейік, ағымдағы жылдың 20 наурыз айында Қазақстанда Паралемнт Мәжілісі мен барлық деңгейлі мәслихаттың мерзімінен бұрын сайлауы өтеді.
Ботагөз Айтжанова
