ҚТЖ Ұлттық компаниясы 50 көпбалалы «Алтын алқа» және «Күміс алқа» иегерлерін құттықтады
5 Наурыз, 2016 19:48
Мереке қарсаңында теміржол саласында қызмет ететін көпбалалы аналар зор құрметке ие болды. Олар «Алтын алқа» және «Күміс алқа» иегерлері. Темір жолдың түрлі салаларында осындай 50 әйел еңбек етіп жүр,-деп хабарлады ҚТЖ.
Олардың ішінде ел Президенті Н.Назарбаевтың өз қолынан «Алтын алқа» алған Жамбыл тасымал құжаттарын өңдеу технология орталығының кассирі Алтынай Тоқпанова бар.
Еңбек етіп те, бала тәрбиелеп те үлгеріп жүрген аналар жетерлік. Олардың қатарында дайын вагондар депосының операторы Тәрбия Жақсымұратова, Қостанай темір жолының бекетті бақылау агенті Людмила Лазеева және тағы басқалар бар.
Бұлардың бәрі отбасының ұйытқысы болып қана қоймай, «Қазақстан темір жолы ҰК»» АҚ-ң да мақтаныштары болып есептеледі.
