СҚО-да мүмкіндігі шектеулі спортшылар арасында шаңғыдан ҚР чемпионаты өтті (ФОТО)
5 Наурыз, 2016 19:17
Петропавл қаласында тірек-қозғалу аппараты және көру органдары зақымданған мүгедек-спортшылар арасында шаңғы жарысы бойынша ҚР чемпионатына 8 аймақтан 30 спортшы жиналды.
«Солтүстік Қазақстан облысында мүгедек-спортшылар арасындағы шаңғы жарысы бойынша ҚР чемпионаты екі жыл қатарынан өтуде. 30-дан астам спортшылар жүлделі орынға таласады. Дистанция бір шақырымана бес шақырымға дейін. Біз алдын-ала дайындық жұмыстарын өткіздік. Барлық спортсмендер жақсы дайындықта»,- деді мемлекеттік жаттықтырушы Ерназар Бексұлтанов.
Ұлттық паралимпиада комитетінің мәліметінше, жарыс екі күнге созылады. Жеңімпаздарға медальдар мен дипломдар беріледі, ал ең үздік команда кубокпен марапатталады.
