Е.Ыдырысов: «Қазақстан - 2050» ұлттық Стратегиясының маңызды құрамдас бөлігі ана мен баланы қорғауға арналған

«Әйел деген ежелден отбасының бақыты мен жетістігінің ұйытқысы болып келген. Ол – қамқорлық иесі, мейрімділік пен әділеттіліктің жалауын көтеруші, жылылық шашушы, шабыттың қайнар бұлағы. Әр қайсымызға өмір сыйлаған аналарға бас иеміз», деді Е.Ыдырысов.

Министрдің айтуынша, Мемлекет басшысы тәуелсіздігіміздің алғашқы күнінен бастап, әйелдердің жағдайына және олардың ер азаматтармен тең болуларына ерекше көңіл аударып келеді. Сондықтан да «Қазақстан - 2050» ұлттық Стратегиясының құрамдас бөлігі ана мен баланы қорғауға арналған. Біздің қоғамда әйелдердің алатын орыны жыл өткен сайын артып келеді.

«Дипломатиялық қызметте де әйелдер ер азаматтармен тең дәрежеде бәсекелесе алады. Ел Тәуелсіздігінің 25 жылында дипломат-әйелдер үлкен жетістіктерге жетті. Бүгінгі таңда министрліктің орталық аппаратында 130 әйел жұмыс істейді. Яғни, қызметкерлердің 34 пайызын құрайды. Сіздерді осынау керемет мерекелеріңізбен шын жүректен құттықтай отырып, зор денсаулық, мол бақыт және мол табыстар тілеймін»,-деп қорытындылады сөзін Е.Ыдырысов.