«Жасұлан» тәрбиеленушілерінің биі қазақстандықтарды тәнті етті (ФОТО)
Аға буын өкілдерінен Сағадат Нұрмағамбетов атындағы «Жас ұлан» республикалық әскери мектебінің тәрбиеленушілері де қалыс қалмады. Болашақ әскери қызметшілер әлемге мәшһүр әйгілі би трендін қостап, «шаффл» стиліндегі биді орындады.
Әсерлі қойылымның шешуші сәті 200-дей бозбаланың бір қатарға тізілген «жанды сегіздігі» болды. Өрімдей ұландар әскери мектеп тәрбиеленушілерінің барша аналарына 8 наурыз мерекесіне орай сыйлық ретінде би қойылымын тарту етті. Армия генералы С. Нұрмағамбетов атындағы «Жас ұлан» республикалық әскери мектебінің түлектері соңында офицер атанып, Қазақстанның Қарулы Күштері мен өзге де әлеуетті құрылымдарында қызмет өткеретінін айта кетейік. Мектеп оқытуды, тәрбие беруді, дене шынықтыруды жетілдіруді сапалы ұйымдастыру үшін барлық қажетті заманауи оқу-материалдық базамен жабдықталған. Оқыту бағдарламасына мемлекеттік және шетел тілдерін, әскери пәндерді зерделеу және күшейтілген дене даярлығы кіреді.
