Шығыс Қазақстанда ауыл шаруашылығы жәрмеңкесі басталады
5 Наурыз, 2016 08:39
ШҚО тұрғындарын сапалы өніммен қамту мақсатында Өскеменде әр апта сайын, демалыс күндері ауыл шаруашылық жәрмеңкесі өтеді. Алғашқы жәрмеңке Ұлан ауданында өтпек, фермерлер өз өнімдерін 6 наурызда табыс етеді, деп хабарлады ШҚО ақпараттық орталығы.
ШҚО ауыл шаруашылығы басқармасы жетекшісі Ербол Қуанышевтың айтуынша, аудандық жәрмеңкелер кестесі анықталды. Аудан фермерлері қолжетімді бағаға ет, жұмыртқа, ұн, нан, балық, көкөністерді жеткізеді.
«6 наурызда Өскеменде Ұлан ауданы тауар өндірушілерінің жәрмеңкесі өтеді. Келесі күні қала кәсіпкерлерінің жәрмеңкесі өтеді. Семейде Бородулиха ауданының жәрмеңкесі өтеді», - деді Е.Қуанышев.
Айта кетерлігі, өткен жылы өңірде 651 ауыл шаруашылығы жәрмеңкесі өтті. Оның 59 облыс орталығында өтсе, 58- Семейде, қалғаны аудандарда өтті.
