ҚР Ауыл шаруашылық министрі Павлодар облысындағы құс фабрикасының құрылыс барысымен танысты

4 Наурыз, 2016 17:49

ҚР ауыл шаруашылық министрі Асылжан Мамытбеков Павлодар облысына жасаған жұмыс сапары барысында «Рубиком» ЖШС ет комбинатында болды, деп хабарлады ведомстводан.

Кәсіпорын Қазақстан мен Ресей нарығына жылына 6 мың тонна шұжық пен ет өнімдерін дайындайтынын атап өту керек.

Сонымен қатар, министр «Павлодар құс» ЖШС-не қарасты құс фабрикасының құрылыс барысымен танысты. Сондай-ақ, жылына 1,5 мың тонна қызанақ өсіретін «Павлодар теплица кешені» ЖШС-ң жұмысшыларымен кездесті.

Кездесу қорытындысы бойынша Павлодар облысының әкімдігінде аймақтың агроөнеркәсіп кешенін дамыту мәселелері жөнінде мәжіліс өтті.

2015 жылы республика бойынша ауыл шаруашылық өндірісі 2,7 трлн. теңгені құраған. Бұл орайда Павлодар облысының өндірісі 12,9% -ға артақаны айтылды.

«Бүгінгі таңда Павлодар картобы өзінің сапалылығымен Қазақстан мен сыртқы нарықта облыстың брендіне айналды»,-делінген хабарламада.

Сонымен қатар, мәжілісте субсидиялау жүйесін жетілдіру, органикалық азық-түлік өндірісін арттыру, ауылшаруашылық саласына инвестиция тарту және агроөнеркәсіп кешенінің өнімдерін Ресей мен Қытай нарығына шығару мәселелері талқыланды.

Барлық жаңалықтар