Қазақстанда әйел кәсіпкерлігін дамытуға 1,5 млрд теңге тартылды – ҰКП
4 Наурыз, 2016 16:34
Бүгінгі таңда әйелдер кәсіпкерлігін ынталандыру үшін халықаралық қаржы институттарынан 1,5 млрд теңге тартылды. Бұл жөнiнде ҚР Президентi жанындағы Орталық коммуникациялар қызметiнде өткен баспасөз мәслихатында «Атамекен» ҰКП Iскер әйелдер кеңесiнiң төрағасы Ләззат Рамазанова мәлiмдедi.
«...әйелдер кәсіпкерлігіне құйылып жатқан қаржылық ағым бар. Бұл Еуропалық банк, Азиялық банк пен «Даму» қоры тарапынан келіп жатыр. Бүгінгі таңда әйелдер кәсіпкерлігін ынталандыру үшін халықаралық қаржы институттарынан 1,5 млрд теңге тартылды», - деді Л.Рамазанова.
Оның айтуынша, бұл қаржылық көмекке 54 әйел ие болды.
Л.Рамазанова атап өткендей, «Атамекен» партиясы әйелдерге тегін негізде көмек көрсетуде». Аталмыш қолдау аясында жобаларды қаржылай қамтамасыз ету мен бизес-жоспарларды дамыту жүзеге асырылады.-
Ботагөз Айтжанова
