Еңбек және халықты әлеуметтік қорғау министрлігі Мәжіліске «Кәсіби одақтар туралы» заң жобасын таныстырады

15 Қараша, 2013 18:39

Мәжілістің әлеуметтік-мәдени даму комитетінің отырысында «Кәсіби одақтар туралы» заң жобасының таныстырылымы өтеді, деп хабарлайды төменгі палатаның баспасөз қызметі.

«Депутат Ирина Аронова бастаған жұмыс тобына Еңбек және халықты әлеуметтік қорғау министрі Тамара Асанова жаңа заң жобасын таныстырды», - делінген хабарламада.

Естеріңізге сала кетейік, «Кәсіби одақтар туралы» ҚР Заңы 2010 жылдың 10 шілдесіндегі «Қазақстанның әлеуметтік жаңғыруы: жалпы еңбек қоғамына қарай жиырма қадам» атты бағдарламалық мақаласындағы Мемлекет басшысының тапсырмасымен дайындалған еді.

Еңбек және халықты әлеуметтік қорғау министрлігінің баспасөз қызметі мәліметіне сай, кәсіподақ қызметтеріне сараптама қорытындысы бірқатар қиындықтардың көзін ашты.

Атап айтар болсақ, бұл кәсіподақтар жұмысында бірыңғай саясаттың болмауы, республикалық бірлестіктердің салалық, өңірлік және жергілікті кәсіподақтармен жүйелі жұмыс істемеуі, кәсіподақ жауапкершілігі мен оның мүшелерінің шешім қабылдауы, кәсіподақ жарғысында бірыңғай талаптың болмауы және кәсіподақтардың міндеті мен құқықтарының заң жүзінде айқындалмауы.

Барлық жаңалықтар