Қ.Оспанова: «100 нақты қадам» - басшылықтағы басты бағыт
3 Наурыз, 2016 18:34
Елбасының «100 нақты қадамы» - басшылықтағы басты бағыт. Бұл туралы «Нұр Отан» партиясының Қарағанды облыстық филиалының бірінші орынбасары Қадиша Оспанова Strategy2050.kz АА берген сұхбатында мәлімдеді.
«100 нақты қадам» - басшылықтағы басты бағдар. Құжатта бүгінгі дүниежүзілік дағдарыстық жағдайдың ескерілуімен сараптама жүргізілген. Оның ішінде кәсіптік мемлекеттік аппарат құру мен өзге мәселелер бар. Біздің басты мақсатымыз – болашақ ұрпақты рухани тәрбиелеу», - деді ол.
Қ.Оспанова айтып өткендей, «Нұр Отан» партиясы алдында басты мақсаттар тұр.
«Елбасы жүктеген барлық тапсырмалар бойынша жұмыс істейтін боламыз. Ұлт жоспарын және өзге бағдарламаларды жүзеге асыруда белсенді қатысатын «Нұр Отан» сайлаушылардың үмітін ақтайды деп ойлаймын», - деді ол.
Индира Кауметова
