ТМД миссиясы 10 наурыздан кейін сайлауды бақылау туралы алдын ала есепті жариялайды

Сайлауды бақылау жұмыстары  сайлауға  деген ұлттық және халықаралық сенімді арттыра түседі. Халықаралық сайлау әлемдік деңгейде  кеңейтілген мәртебеге ие және сайлау үрдістерін ұйымдастыруда үлкен нәтижеге ие.

«Халықаралық бақылаушылардың қатысуы сайлау үрдісінің беделін арттыра түседі. Ашықтықтың кепілдігі болып табылады», - деді Орталық комиссия мүшесі Марат Сәрсембаев.

1995 жылдан бастап қазіргі күнге дейін Қазақстан 8830 халықаралық бақылаушы мен шетелдік БАҚ үшін жағдай жасады.

«Кезектен тыс ҚР Парламенті Мәжілісі депутаттары сайлауын бақылау үшін Достастық атынан Бақылаушылар миссиясы үшін мониторинг жасауға барлық жағдай жасалған. Бұл сайлау науқанының ашықтығының дәлелі. Бүгінгі күнге дейін ТМД атынан 111 бақылаушы тіркелген, тіркелуі тиіс 130 құжат Орталық сайлау комиссиясында жатыр. Осылайша, миссия құрамында ТМД елдерінен 240-тан астам бақылаушы болады», - дейді Е.Слобода.

ОСК мүшесінің айтуынша, миссия құрамында сондай-ақ, Достастыққа мүше мемлекеттер парламентаралық ассамблеясының, Ресей және Беларусь одағы парламенттік жиналысының және Достастықтың атқарушы комитетінің ҰҚШҰ парламенттік ассамблеясының өкілдері болады.

«Келушілердің қорытындысы бойынша комиссиялар қажетті заңнамалық актілермен қамтамасыз етілді. Сондай-ақ, әдістемелік жәрдемақылар мен материалдар бар. ОСК таңдаған әрбір категория үшін  анықтамалық материалдар дайындалды. Осы бағытта жоғары дәрежедегі жұмыстар жүргізілуде», - деді Е.Слобода.

Сондай-ақ, миссия осы жылдың 10 наурызында сайлауды бақылау  туралы алдын ала есепті жариялауды жоспарлауда.

Ботагөз Айтжанова