Р. Шаекин ҚР-дағы моноқалаларды дамыту бағдарламасының орындалуын сынады

«1994 жылдан бастап шағын қалаларды қолдау бағдарламаларын қабылдадық. 1996 жылы 7 бағдарлама болды, соның ішінде өңірлік саясатты дамыту тұжырымдамасы, 2004-2006 жылдарға арналған дамыған шағын қалаларды анықтау бағдарламасы, шағын қалаларға мақсатты трансфертті бөлу туралы, депрессиялық экономикаға ие қалалар бағдарламалары бар. Осы бағдарламалардың ешқайсысында біз аталмыш жұмыстарға мемлекеттің қанша қаржысы жұмсалғанын білмейміз. Өйткені бұл қалалар ақыры оңалмады, біз не үшін тағы да шашылмақпыз», - деді депутат.

Оның ойынша, бюджетте моноқалаларды дамыту үшін миллиардтаған қаражат қаралған. Алайда аталмыш мемлекеттік бағдарламаның титтей де нәтижесі байқалар емес.

Сонымен қатар, депутат аталмыш бағдарламаны оралмандарды қоныстандырумен де байланыстырды.

«Тартысты мәселелер де жоқ емес – ана жерде бір құрылыс, мына жақта және бір құрылыс, комитет арқылы қаржы бөлінеді. Алайда көзге көрінерлік жұмыс атқарылмады», - деп қорытындылады халық қалаулысы.