ИИДМБ: Жамбыл облысында тәулігіне 500 тонна гипс өндіретін зауыттың құрылысы журуде
3 Наурыз, 2016 15:36
Жамбыл облысында тәулігіне 500 тонна гипс өндіретін зауыттың құрылысы журуде. Бұл туралы Жамбыл ауданының әкімі Мұсаев Мәден Тоқтарбайұлы мәлімдеді.
«2016-2018 жылдары Бектөбе ауылындағы «КазУпакТрейд» жауапкершілігі шектеулі серіктестігінің гипс зауытын соғу индустриалдық жобасын іске асыру жоспарлануда. Зауыттың жобалық құны – 1 млрд. 022 млн. теңге, жылдық қуаты – 180 мың тонна немесе тәулігіне 450-500 тонна құрылыс гипсін және 100 мың текше метр гипсокартон өндіру. Зауыт құрылысының жобалық-сметалық құжаттары әзірленіп, мемлекеттік сараптамасы 2-кезеңнен өтті. Қазіргі уақытта іргетасы қаланып, металл құрылымын (конструкция) құрастыру жұмыстары жүргізілуде. 70 жаңа жұмыс орны ашылатын болады» - деді аудан әкімі.
