Алматыда заңсыз салынған құрылыс нысандарын сүру шарасы қолданылатын болады
Жиында Алматы әкімі Б.Байбек Мемлекет басшысының тапсырмасын орындау үшін кешенді жұмыс атқарудың басында мынадай шаралар қолданылуы керектігін атады. Мәселен, «Шымбұлақ» тау шаңғы курортына өтетін жолды жабу; Әл-Фараби даңғылының жоғары жағынан үш қабаттан жоғары және биіктігі 12 метрден, ені 15 метрден артық болатын ғимарат құрылысын жүргізбеу туралы әкімдіктің қаулысы қабылданған. Бұл жерлерге заңсыз салынған құрылыс нысандарын сүру шаралары қолданылатын болады.
«Қаланы көгалдандыру, абаттандыру, әуежайды дамыту, жұмыссыздар санын азайту, алматылықтардың тұрмыс деңгейін сақтау және қалалықтардың өмір сүру сапасын арттыру мәселелері қаралды»,-деп атап өтті Б.Байбек.
Аталмыш шаралар қаланың экологиялық әлеуетін арттыруға арналғанын атап өту керек. Алматы қаласын 2020 жылға дейін дамыту бағдарламасын талқылаған уақытта қаланың экологиялық жағдайына ерекше назар аударылды.
Еске сала кетейік, 16 ақпан күні Мемлекет басшысының қатысуымен Алматы қаласын дамыту мәселелері бойынша арнайы жиналыс болған еді. Онда 2015 жылғы қаланың әлеуметтік-экономикалық дамуы мен 2017 жылы өтетін 28-ші Бүкіләлемдік қысқы Универсиадаға дайындық мәселелері қаралған болатын.
