ШҚО-да мүлікті заңдастыруға 2284 өтініш берілді
3 Наурыз, 2016 08:37
Шығысқазақстандықтар мүлікті заңдастыру науқанына белсенді қатысуда. Осы уақытқа дейін қанағаттандырылған арыздар арасында Түркиядан құны 8 млн теңгеге мүлікті заңдастырған жайт та кездескен. Бұл жайлы баспасөз мәслихаты барысында ШҚО Қаржы басқармасының басшысы Лязиза Кенжетаева мәлімдеді.
Облыс бойынша жыл басынан бері жария етуге жалпы құны 10 011 417 мың теңгеге 2284 арыз қабылданды. Қазірдің өзінде әлі 81 арыз қарастырылуда. Одан бөлек құны 2 913 652 теңгеге 486 арыз қайтарылған.
«ШҚО-да мүлікті жария ету үрдісі әлі де жүріп жатыр. Қанағаттандырылған арыздардың арасынан айта кететіндігі, жуырда 8 млн теңгеге Түркиядағы мүлікті заңдастыруға арыз түскен», – деді Лязиза Кенжетаева.
Бұдан бөлек, ағымдағы жылы мүлікпен қатар ақшаны да заңдастыру үрісі жүріп, 308 264,0 мың теңгеге 3 есепшот заңдастырылды.
