Қазақстан 2016 жылы БҰҰ-ның халықаралық конференциясын шақыруды ұсынады
«Халықарлық қауіпсіздіктің жаңа тиімді жүйесі қажет. Қақтығыстарды реттеуде БҰҰ-ның рөлін арттыру талабы қойылып отыр. Халықаралық құқықтың базалық негізін сақтай отыра, БҰҰ-ның жарғысын жаңғырту қажеттігі туындады. Мемлекеттердің құқықтық нормаларды сақтауы мен өзінің халықаралық міндеттемелерін орындауы қазіргі заманғы әлемдегі тәртіптің түйіткілі болып қалып отыр. Соңғы уақытта бұл нормалар жиі бұзылатыны рас», - дейді Президент.
Осыдан барып, Елбасының айтуынша, қақтығыстар туындайды, өйткені мемлекеттер өз мойнына алған халықаралық міндеттемелерді орындамайды.
«Қазақстан 2016 жылы жоғары деңгейде БҰҰ-ның халықаралық конференциясын шақыруды ұсынады, ол халықаралық құқық қағидаларын бекітіп, мемлекеттер арасындағы сенімді қалпына келтіруге бағытталмақ», - деді Мемлекет басшысы.
