ҚР Ұлттық Банкі 2020 жылға дейінгі ҚР-ның қаржылық секторының даму тұжырымдамасын дайындауда
«Қазіргі таңда Елбасының тапсырмасымен Ұлттық Банк 2020 жылға дейінгі ҚР-ның қаржылық секторының даму тұжырымдамасын дайындап жатыр. Осының аясында Қазақстанның ДСҰ мүшелігі мен Бірыңғай экономикалық кеңістік құру жағдайында өте маңызды болып отырған отандық қаржы секторының бәсекеге қабілеттілігін арттыру мен концептуалды әдістерді анықтау бойынша міндеттемелер жүктеледі», - деді Бас банкир.
Келімбетовтың айтуынша, аталмыш мақсаттарға жету үшін Ұлттық Банк алдыңғы қатарлы халықаралық ұстанымдар мен талаптар негізіндегі қаржылық нарық сегменттерін басқарудың жаңа стратегиясын құруы, қаржылық ұйымдарды қорландыру көздерін диверсификациялау және тұрақтылықты арттыруға жағдай жасауы керек.
«Бұл міндеттемелердің орындалуы Қазақстанның ДСҰ-на енгеннен кейінгі ашық «қаржылық шекара» жағдайындағы қаржылық нарықтың бәсекеге қабілеттілігін қамтамасыз етуге негіз болады және БЭК елдері территориясында жаңа қаржылық нарық қалыптастырады», - деді Ұлттық Банк төрағасы.
