Н.Назарбаев бар мемлекеттің назарын жаһандық деңгейдегі ынтымақтастыққа аударуға шақырды

«Жаһандық экономикалық дағдарыс әлемдегі әлеуметтік-саяси жағдайға кірігуде. Дағдарыс жаңа дамудың оңтайлы мүмкіндігін ұсынады. Біз әлемдік экономикалық дамудың тиімді әрі нақты жолын пайдаланудың тарихи мүмкіндігін қолдануымыз қажет. Сондықтан да мен еуразиялық экономикалық кеңістікті  құруды ұсындым. Бүгінде Еуразия – әлемдік саясаттың негізгі геосаяси және экономикалық фактор. Бұл жерде Қытай, Ресей, АҚШ-тан бастап Еуроодақтан Үндістанға, Иран мен Түркияға дейінгі барлық негізгі ойыншылар қатысады», - деді Елбасы.

Геоясаяси ойындар, өзара экономикалық санкциялар және суық соғыстың өзге қырлары мәңгі артта қалуы керек.

«Тұрақты, гүлденген, бейбіт Еуразияның құрылуы  - жаһандық өсімге ерекше әсер бере түседі, барлығына осы тиімді. Барлық мемлекеттің назарын жаһандық деңгейдегі ынтымақтастыққа, өңірлік екіжақты, өңіраралық, жаһандық деңгейдегі экономикалық, сауда және инвестициялық саладағы ынтымақтастыққа шақырамын», - деді Мемлекет басшысы.

Н.Назарбаев айтып өткендей, санкциялық саясат ешқандай қорытындыға әкелмейді, ол тек мемлекеттің экономикалық қарым-қатынасын әлсірете түседі.

«Бұл идеяны тоғызыншы Астана экономикалық форумы аясында талқылауға шақырамын. Шарада сіздердің мемлекеттеріңіздің өкілдері белсенді қатысады деп үміттенем», - деді Елбасы.

Индира Кауметова