• Басты
  • Қазақстанда бірінші сынып оқушыларына ағылшын тiлi сабағы 2 сағатқа дейiн ұлғайтылады

Қазақстанда бірінші сынып оқушыларына ағылшын тiлi сабағы 2 сағатқа дейiн ұлғайтылады

2 Наурыз, 2016 12:08
2016-2017 оқу жылдарында 1 сыныптарда ағылшын тiлiн сабағы 2 сағатқа дейiн ұлғайтылады. Бұл жөнiнде бүгiн ҚР Президентi жанындағы Орталық коммуникациялар қызметiнде өткен баспасөз мәслихатында ҚР Бiлiм және ғылым вице-министрi Такир Балықбаев мәлiмдедi.

«Министрлiк үштiлдi оқытудың алдағы 2020 жылға дейiнгi жол картасын әзiрледi. Бұл жерде бiлiм берудiң бағдарламаларын жаңартуға келер болсақ, бiз осы биылғы 2016-2017 оқу жылдарынан бастап мектептегi бағдарламаны да өзгертейiн деп жатырмыз. Дәлiрек айтатын болсақ, бiзде осыдан бiрнеше жыл бұрын 1 сыныптан ағылшын тiлiн оқыту басталған болатын. Бiрақ, аптасына бiр сағат қана оқытылатын. Ендi, биылдан бастап оны 2 сағатқа дейiн ұлғайтып, оқу бағдарламасын жаңартуды жоспарлап отырмыз», - дейдi вице-министр.

 

 

Барлық жаңалықтар