• Басты
  • Х.Кошик: Неміс халқы қиын-қыстау кезеңде қолдау көрсеткенді ризашылықпен еске алады
2 Наурыз, 2016 10:32

Х.Кошик: Неміс халқы қиын-қыстау кезеңде қолдау көрсеткенді ризашылықпен еске алады

Ақорданың ресми сайты Бундестаг депутаты Хартмут Кошиктің Елбасыға Алғыс айту күніне байланысты жолдаған хатын жариялады.
Х.Кошик: Неміс халқы қиын-қыстау кезеңде қолдау көрсеткенді  ризашылықпен еске алады

Германия Федералдық үкіметінің қоныс аударушылар мен аз ұлттар мәселесі жөніндегі уәкілі Х.Кошик Нұрсұлтан Назарбаевқа Қазақстандағы неміс диаспорасы өкілдерінің игілігі үшін жемісті ынтымақтастықты қолдап,  тікелей назар аударып келе жатқаны үшін алғыс айтады.

«Қазақстан халқы Ассамблеясының ХХІІ сессиясында «Алғыс айту» күнінің негіздемесін жариялап, режим кезеңінде Қазақстанға күштеп жер аударылған 800 мың немістің қасіретті тағдыры туралы айтқаныңыз үшін Сізге айрықша ризашылығымды білдіремін. Қазіргі уақытта Германияда тұрып жатқан, Сіздің елден келген көптеген немістер сол қиын уақыттардағы қазақ халқының жылы қарым-қатынасы мен достық пейілін зор ілтипатпен еске алады», – делінген хатта.

Сондай-ақ Х.Кошик Нұрсұлтан Назарбаевты Германия Федералдық үкіметі біздің ел үкіметімен тығыз ынтымақтастықты жалғастыратынына, республикамыздың саяси, қоғамдық және экономикалық дамуына ел игілігі үшін өздерінің қомақты үлесін қосып келе жатқан Қазақстандағы неміс диаспорасы өкілдеріне болашақта да қолдау көрсете беретініне сендірді. 

 

Барлық жаңалықтар